الناس اللي بتندرج في قائمة مدمني الأندومي الكلام ده علشانكم
للي ميعرفش في رابطة عالمية اسمها الرابطة العالمية للمكرونة الرابطة دي بتهتم بكل حاجة تخص المكرونة اهمها قضايا التصنيع والتسويق المهم الرابطة دي نشرت مؤخراُ تقرير مهم عن اكتر الدول اللي بتستهلك وجبات الأندومي وتصدرت المشهد دولتي الهند والصين أما مصر لم تحدد نسبة الاستهلاك كام بالظبط الا انها نسبة برده مش قليلة
لغايت هنا لسه مقولناش حاجة نيجي بقي للكلام المهم في حقيقة ان الاندومي فعلا بيجيب سرطان ولا مجرد اشاعات
في الحقيقة مفيش بحث علمي أو دراسة مؤكدة من اي منظمة علمية أو اي منظمة مهتمة بالدراسات والابحاث أكدت المعلومة أو حتي ليه صلة بأي نوع من الأورام الاخري ومفيش حالة اتصابت بأي ورم سابقاٌ كان سببها الأندومي يبقي اللي فات دي اشاعات ..
طيب حلو أمال المشكلة فين بقي ..
المشكلة بقي في تكوين الأندومي .. النودلـزز أو المكرونة سريعة التحضيرر أو الأندومي بيتكون من ايه بيتكون من ( وجبـة كربـوهيـدرات ) وصوديــــوم عــالـي وطبعـــا المواد الحافظة شئ أساسي ملهاش أدني أهمية أو أي قيمة بتسد جوعك أه وبتسعدك بالنكهات المختلفة اللي بيقدموهالك ولكن في النهاية مفيش اي استفادة للجسم منها يعني حضرتك بتاكل كيـــس بلاستيكـ مش أكتـر ..
طيب وبالنسبة للمادة ( E621 ) اللي طلعوا انها مضرة وبتسبب السرطان
المادة دي حضرتك باختصار هي عبارة عن ( جلوتــامـات أحـاديـة الصــووديوم ) ومش بتستخدم في الاندومي بس ولكن في منتجات كتيييرة جدا بتستخدمها كمان ( إدارة الغـذاء والـدواء الأمريــكية ) اكدت من خلال اعترافها انها مادة آمنة للاستخدام ولكنها كالعادة معروف ان الشئ اللي يزيد عن حده ينقلب ضده الناس اللي بتاكله بشكل يومي أكيد هيأثر عليها مع الوقت ف ـ ممكن تأثر زيادة المادة دي بسبب التناول الكثير علي ضغط الدم وكمان نسبة الاملاح في الجسم ممكن تتزايد ممكن يحصل تــرجيـع وممكن كمان يتسبب في مشاكل ف الجهاز العصبي بالاضافة طبعا ممكن يتسبب في زيادة الوزن والسمنة ..
نطلع بإيه من كل اللي فات ده
ان الأندومي ده ميتاكلش الا لو مضطر جدا خصوصا ان شئ مالوش اي قيمة غذائية ولا في اي نفع هيعود علي جسمك من وراه والكل عارف ان المواد الحافظة مضرة مش قادر تبطله ودخلت ف دايرة ادمان يبقي حط معاه خضار لحمة اي حاجة يعوض الفاقد فيه
#مصادر الموضوع ؛
الكاتب / أحمد يسري
https://food.ndtv.com/…/the-dark-side-of-instant-noodles-wh…
ليست هناك تعليقات:
إرسال تعليق