في الحقيقة أنا مش عارفه ايه كمية التناقض اللي بقينا فيها دي بنحاسب حنين حسام علشان المحتويات اللي بتقدمها وانها بتدعي للفسق والفجور وسايبين ميس حمدان فرحانة ببوكسراته .. ايه ياجماعة اللي وصلناله ده وايه كمية التدني والسخافة اللي تملي بتزيد في شهر رمضان وكأني اللي مسئولين عن تقديم المحتويات دي شياطين ومتسلطين علي البشر ..
نفسي افهم فعلا هو الاعلانات دي والمحتويات الاعلامية المختلفة اي كانت في برامج او او سينما او دراما اللي بتحمل كم رسائل خارجة عن الادب العام وخارجة عن القيم والمبادئ مش بتعدي علي الرقابة يعني مفيش جهة المفروض تقدم ليها المحتويات دي قبل العرض علي الجمهور علشان تقول ينفع ومينفعش ..
هي وصلت لبوكسراته ونفسي ابقي قريبة منه ذي فانلة قطونيل يعني معقول علشان نحقق ارباح مادية عالية نتخلي عن الذوق العام في ااننا نقدم محتويات محترمة تليق بالمنتج والشركة وتليق بالجمهور اللي بيتعمل علشانه كل ده للاسف حاجات كتيرة محتاجة هيكلة واعادة نظام في الدولة واولها الاعلام بشتي صوره ومجالاته واعلان ذي ده عيب جدا انه يتعرض سواء في رمضان أو غير رمضان لاننا المفروض اننا نوصل رسالة هادفة ونقدم محتويات محترمة مش اي كلام والسلام الاعلان فعليا لازم يتوقف عن العرض لأن بصراحة من وجهة نظري وابسط موقف ممكن يتاخد انه قلل احترامي لشركة قطونيل نفسها انه وافقت يكون دي صورتها في عيون عملائها
ليست هناك تعليقات:
إرسال تعليق